ABOU J J

ناقص كان كل واحد مكركر معاه كبش (الجزيري يكركر معاه عجل و إلا جمل) و كعيبة فل على الوذنين و يمشوا لبارك ميلانو ينصبوا رحبة أكباش

شكونو الخائن إلي تحكي عليه؟

ڨالك يحبو فيه أقل حاجة مليار - مليار و نص و عندو عروض من السعودية هو الحق جوار متربي برشا و ماهوش من هاك النوعية إلي يدخل في صدام مع مسؤولي جمعيتو للموافقة على الخروج.. لكن أنا متشمت في البّلي إلي حابب يرجع فلوسو إلي صرفهم عليهم على أكتاف الترجي.. لذى خليه عندك و إحنا كان خطرلنا باش ننتدبوه توة نجيبوه ليبر

معلول كي ڨال غلط معناها موش عمل غلطة قانونية.. ظاهرة يقصد إنو غلط في الجوار إلي كان ناوي يخرجو لا أكثر لا أقل.. بمعنى بعد ما رفع الحكم الرابع اللوحة متاعو تراجعنا على تغيير معيّن و كلمنا الحكم الرابع باش يغير الرقم لا غير.. و كان شفت التغيير كيفاش صار كنّا باش نخرجوا زوز و ندخلوا زوز.. كي طلبنا من الحكم الرابع تغيير رقم الجوار إلي باش يدخل وقتها خرجوا زوز جوارات و دخل جوار فقط و كي صلحنا رقم الجوار إلي باش يدخل كمّل دخل كتكملة للتغيير إلي صار موش كتغيير آخر..لذى بربي موش على حكايات تافهة باش نڨعدوا نشككوا في كفاءة مسؤولينا قانونيا في حكايات بودورو حتى جمعيات قسم عاشر ما غلطتش فيها باش نوصلوا نغلطوا فيها إحنا.. و فوڨ من هاذا جيبلي قانون يڨول كي يصير تغيير غالط ينجر عليه سحب نقاط و إلا إعادة مقابلة و بربي فوتوه هالموضوع خاطرها حكاية حولة

شنية إلي ڨدامو هذيكا ؟ عظمة نعامة ؟

كيما ڨال واحد من الوخيان.. تونس ضد الفرق القوية بدنيا و تكتيكيا نقدروا نوقفوها و نقدروا نقاوموهم.. مشكلة كورتنا كان جمعياتنا و إلا منتخباتنا هي الجمعيات و المنتخبات إلي أسلوبها يعتمد أساساً على السرعة و الفنيات كيما الجمعيات المصرية و المنتخبات الإفريقية المعروفة كيما غانا و الكاميرون و نيجيريا و الكوت ديفوار.. نفس الشيء الكوب دي موند هاذي إلي جات معانا منتخبات قوية بدنيا و تكتيكيا (الدنمارك) و قدرنا نوقفوها و منتخبات قوية فنيا و سرعة رهيبة لجواراتها(فرنسا) إلي الحق باش نتعبوا معاها برشا خاصة في محاصرة ديمبيلي و خاصة مبابي لذى لازمنا بكل الطرق تونس تڨلع طرح أستراليا و الدنمارك تخسر ضد فرنسا باش نضمنوا الترشح بنسبة كبيرة

صحيح المجبري ما عمل شي خاصةً هجوميا.. لكن دخولوا حسب تحليلي البسيط كان لغاية أساسية وهي الضغط على الجوار متاع الدنمارك نومرو 7 إلي ملي دخل قلقنا برشا بالكور بين الخطوط و أخطر كورة إلي مدها لإيريكسون وشاطها و نحّاها دحمان يعطيه الصحة.. المجبري ضغط برشا على الجوار هذاكة و نقصلوا من خطورة تمريراتو تنجم تڨولوا كان يدخل الشعلالي يقوم بنفس الدور.. صحيح.. الشعلالي قادر يحصر الجوار هذاكا و يمسحوا جملة.. لكن الشعلالي ما ينجمش يعمل المساندة الهجومية كيما إلي يعمل فيها المجبري

كان جيت في بقعة الدبشي نعلن إعتزالي دوليا.. مدام إيكيب ناسيونال يهزوا فيها جوارات على أساس المحاباة.. يا أخي في بقعتوا نعتزل دوليا و نتولهى بكرياري في الترجي و ممكن برشا الإحتراف

الوخيان شاعلين و فادين على قائمة و جامعة و منتخب من الأول عارفين إنو إلي يحط القائمة و إلي يحط التشكيلة هو رئيس الجامعة أول بالأحرى سلطان الجامعة.. المدريين إلي يشدو في المنتخب مجرّد موظفين لا أكثر أقل.. شهّارة ياكلوا في خبيزة لذى القائمة حضرها الجريء و عمل صفقة مع البيادق متاعو باش يدبروا تفيتيفة من فلوس الفيفا تسلكهم و لو بنسبة ضعيفة من ديونهم المهولة.. بالنسبة لصنّاع وديع موش معقول الترجي يهزّوا منها 4 جوارات الكوب دي موند و تضرب باكو باهي و هي ما تستحقش فلوس خاطر موش ناقصة فلوس و لخرين (الزناطير و الحاويين) ما يمشي منهم حد و هوما مساكن فقراء يبقبقوا في الديون.. بالطبيعة عرفهم ما يخليهمش هكاكة و لازم يشوفلهم حل و هذاكا إلي صار بالإستغناء على الدبشي بلوغة مازال صغير و المستقبل مازال ڨدامو عكس بلبوليات و الفاشل حسن إلي مستقبل وفى من مدة من وقتاش القائمة تتعمل على أساس المستوى الفني و الجاهزية الفنية و البدنية للجوارات

1.5 million d'euros

ههه ملا جمعية يكورولها.. تحسها جمعية متاع متقاعدين موش جمعية سبور و ترافاي

هههه رادس فارغ يطبطب.. من بعد يڨلك جمهور الزناطير ديما حاضرين هههه

البنزرتي بابورو غرڨ من هاك العام.. أفكارو و تكتيكو و فلسفتو كلى عليها الدهر و شرب و مات الدهر وهو لليوم نفس الأفكار و نفس الفلسفة الكروية متاع عام حرب الخليج الأولى الكورة تبدلت و تغيرت و الأفكار تجددت و أفكار عام 2015 ماعادش تمشي في 2022 خلي يا هو شادد في أفكار عام 94 آك الأفكار البدائية متاع برطع برطع و أڨتل الجوارات بالفيزيك ماعادش تمشي.. الكورة دخلت فيها الحداثة و الأفكار العصرية و التكنولوجيا هانا شفناه في أهلي بنغازي دخلهم في حيط و نفس الشيء مع الرجاء إلي لعب معاهم 3 ماتشوات ضد 3 جمعيات متواضعين عمل زوز تعادلات في ستادو و خسر ماتش البرة.. جيل جديد متاع جوارات يتعامل معاهم بعقلية ڨديمة برشا متاع عياط و زياط و سب و الضغط على المنافس بطريقة فوضوية ماذابية يشد الزناطير خاطر ماعاد عندو ما يزيد لحتى جمعية.. و كان يكرم لحيتو بيدو و يعتزل خير.. 72 سنة وين ماشي

وي كلامكم صحيح.. مستحيل ندفعوا سوم كيما هاذا في أريار دروا و عمرو 29 سنة من فوڨ أما المصاروة يدفعوا عادي خاصة إنو بيراميدز هاذي ملك رجل أعمال إماراتي

لا.. بيراميدز شراتو ب400 ألف دولار فقط وهو صحح عقد ياخذ فيه 1.5 مليون دولار على 3 سنين (العام الأول 400 ألف دولار.. العام الثاني 500 ألف دولار.. و العام الثالث 600 ألف دولار).. معناها الباج هذيكا حطت المبلغ الجملي للجمعية و للجوار و بالطبيعة ما يجيش تتحسب هكة

أولا ما عندي ما قلقني لا في ميساج ولا حتى ميساج واحد من الوخيان.. ڨاعدين نتناقشوا لا أكثر لا أقل ثانيا كاليبر شنوة يعيش خويا.. لعب في الفريق ب متاع أمريكا مينيرو البرازيلي و إحترف في فريق في القسم الثالث البرتغالي و لعب في فريق صغير (ديجا العام إلي لعب فيه معاهم طاحوا للقسم الثاني) في كرواتيا و إحترف في بطولة بوليفيا إلي تعتبر بطولة متواضعة في أمريكا اللاتينية.. لاهي بطولة الأرجنتين و لاهي بطولة البرازيل ولاهي بطولة المكسيك و الشيلي و الأوروغواي باش نڨولوا كاليبر كبير.. و لاهم فكوه من ڨدام جمعيات تتنافس عليه.. ملخر صفقة الجوار هاذا تذكرني باماغنو كروز إلي جبناه إحنا تفرجت فيه الجوار ؟ كان بالرسمي تفرجت فيه توة تلاحظ إنو جوار عادي.. لاني نحكي بالعاطفة و لاني نقزم في الجوارات.. الهوني في مستواه يهرب هروب بالجوار هاذا.. لكن كيما العادة جواراتنا نقزموهم و جوارات غيرنا نمجدوهم..و هذاكا برازيلي ولاخر ليبي.. بالنسبة ليا و هاذا رأيي الخاص الجنوب إفريقي بيرسي تاو خير من الجوار هاذا خاصة فنيا على كل إن شاء الله يفشل هو و الجمعية إلي مشالها

رجل المقابلة مع المستير موش مع جمعية كبيرة.. و رجل المقابلة ضد جمعية أضعف من الضعف موش ضد جمعيات صحيحة.. ركزت معاه و مع الشيخاوي.. مانيش باش نقانوا بالشعلالي و كوليبالي خاطر لا مقارنة.. أنا باش نقارنوا بالوهابي و الڨنيشي و المهري.. إلي بدون حڨرة و بدون عاطفة مستواه ما يفوتهمش في حتى حاجة.. بالعكس هوما خير منو كتكوين بدني و خاصة ذهني إنهم تكونوا على رفع الألقاب

تفرجت بالذمة على ماتش المستير و الجيش الرواندي لا لشيء نحب نشوف الشيخاوي و تقا و النصراوي الأريار ڨوش إلي ثمة شكون من الوخيان إلي حبوا على إنتدابهم و شكروهم.. و زادة حبيت نشوف أشنوة أحوال الجمعية إلي عمناول نافستنا على البطولة لآخر الجولة.. أولا الفريق الرواندي بالحق جمعية أضعف من الضعف.. ياااااسر ضعيفة.. ثانيا بكل صراحة لا الشيخاوي و لا تقا و لا النصراوي عندهم المستوى إلي يأهلهم يلعبوا في الترجي.. شفت جوارات عاديين برشا حاجة أخرى مانيش فاهمها.. على أساس شنية المستير إنتدبت بن حتيرة.. جوار عمرو 34 سنة و بدنيا تاعب برشا.. دخل 25 دق عطى 10 باسات.. ال10 غالطين.. و يجري بالسيف و من فوڨ جرى شوية شد فخذو و طاح معناها إصابة عضلية

أول ماتش تفرجت على ليوفي في طرح سامبدوريا و من بعد سبيزيا.. من أول ماتش ظاهرة مستواها ضعيف برشا.. حتى كي تربح ما ثماش إقناع جملة.. تشكيلة ماهياش راكبة على بعضها و ماهياش متناسقة جملة.. لا جوار يكمّل صاحبو.. تحسها بني فوضوي.. و كمّل عليها مدرب مفلس فنيا و تكتيكيا.. بالنسبة ليا ليوفي خسرت كونتي.. هو المدرب الوحيد في السنين الأخيرة إلي خلّى بصمة واضحة فنيا و تكتيكيا.. مدرب صاحب شخصية قوية و ما يقبلش يدرب جمعية ترفض توفرلوا الجوارات إلي يطلبهم و يرفض يدرب جمعية تحب تبيع جوارات ڨال شنوة المصاريف برشا و لازم تخفيفها

هههه ملا ضربة و ملا إنتداب هههه.. بالحق نسخفوا ڨدامهم.. كيما سخفونا كي شروا بادجي من رابيد فيان النمساوي ب2 مليون دولار و طلع صفقة فاااشلة.. و شروا الجنوب إفريقي بيرسي تاو من برايتون ب1،8 مليون يورو و طلع صفقة فاشلة و شروا الموزمبيقي ميكوسوني من سمبا ب900 دولار و طلع صفقة فاشلة هاذم في ظرف عام - عام و نصف.. من غير ما نحكي على على والتر بواليا إلي شروه ب2 مليون دولار و جيرالدو ب1 مليون دولار و بكاماني فلاهمبي ب1،3 مليون دولار و ساليف كوليبالي إلي ضرب منهم 1 مليون دولار و مشى على روحو.. من غير ما نحكي على الجوارات المصاروة إلي فشلوا بصفة غريبة في ال5 سنين الأخيرة الأهلي على الأقل شرات 10-12 جوار أجنبي خسرت عليهم ما بين قيمة الصفقات و إمتيازات الجوارات أكثر من 20 مليون دولار ما نجح فيهم كان على معلول فقط.. و تحبونا نعتبروهم مثال يحتذى به في إنتداب الجوارات و المدربين ممكن يعتبروا مثال في طريقة التسيير.. في الهيكلة.. في جلب المستشهرين.. في إنجاز إستثمارات.. في إستعمال العلاقات خاصة المصرية الخليجية لتسويق الجوارات.. أما في الإنتدابات يعتبر أسوء مثال لكن إلي مسلكهالهم هي قوة الفلوس

ثمة حاجة فاتتني و إلا صارت حاجة و ما سمعناش بيها.. على أساس شنوة وديع الجريئ باش يدور على الزناطير؟ سبوه؟ مسؤولي النادي الزنطوري ڨالو فيه كلام؟ طلب منهم حاجة و رفضوها؟ حسب ما نعرف ما ثمة حاجة صارت باش تخليه يدور عليهم.. عاونهم فلوس باش منعوا من عقوبات الفيفا إلي كانت باش تطيحهم.. و عاونهم بالحكام باش ما طحوش و عاونهم السنة بالفلوس باش تجاوزوا شرط الكاف و يشاركوا في كأس الكاف.. عمل المستحيل باش يوصلهم يهزوا البطولة و الكوب و خسارة الدربي هي إلي خرجتهم من المنافسة و حتى في الكوب هانا شفنا آش عمل الفار في لقطة بينالتي صفاقس إلي ما تزفرتش أنا مانيش فاهم على أساس شنوة إستنتجتوا إنو باش يدور عليهم و باش يستغنى عليهم.. تي هو من 20 جمعية حاطط 18 تحت جوانحوا يأتمروا بأوامروا (إلا الترجي و الشابة).. يجي اليوم يدور عليهم من غير حتى سبب.. أنا هاذي ما تدخلش مخي

Fini 2-0 الوزة حسب الأخبار إلي تدور غادي لا علاقة جملة.. رئيسهم البهيم سيب زوز ثلاثة جوارات من أعز ما يكسبوا خاصة الأكسيال إلي باعوه لبراست أشرف داري و جاب جوارات من الأقسام السفلى في المغرب..ڨريب 13 إنتداب عملوه الكل جوارات نكرة من الأقسام السفلى و راس حربة سينغالي من دياراف.. الإسم الوحيد المعروف هو بن عيادة متاع الحاويين قبل حتى من جمهورهم مكرز على رئيسهم و سبوه خاطر ما حبش يصرف و يجيب جوارات في المستوى رغم إنهم هازين رابطة أبطال و باش يشاركوا في كأس عالم للأندية

المِتكِّي هذاكا شنوة.. آآآآ ما يكون كان راجمة الصواريخ الزنطورية من نوع Zantour C-77 b-48k مهمتوا القصف بصواريخ التبلعيط و التفليم و تزوير التاريخ و التبهبير الفارغ

هات منهم شوية خلي نضحكوا معاك

ڨالك ماشي لفيوتشر المصري هههه كسرولنا روسنا المحللين الفاشلين في هاو قدوة لأي جوار باش يخدم و يوصل.. في هاو أحسن أكسيال تونسي.. في هاو أبهر الجميع.. في هاو يستحق يحترف في أقوى البطولات الأوروبية.. في هاو أبها ماهياش في قيمتو كمدافع دولي معروف.. يحكوا عليه لدرجة ركبني الشك إنهم يحكوا على فان دايك و إلا بونوتشي