Schlumberger-CFC

في الدور القادم باش نلقاو برشا صعوبات مهما كان اسم المنافس ... و الشي هذا العالم الكل شايفو و متوقعو و عارفو إلا الادارة و الاطار الفني الي صادمين على شمبيونس ليغ الهدف الاول حسب رئيس النادي و حسب المدرب و صادمين عليها بالهجوم هذا و خاصة ببن حمودة و بن عياد في نظام بطولة في نظام مجموعات انجمو نلقاو رواحنا خاطر انجمو نربحو واحد بلاش ولا نربحو ثنين واحد ، اما في الادوار الاقصائية و الترشح الي يتلعب بين مقابلة ذهاب و اياب باش نتعبو برشا خاطر ماناش قادرين نمركيو برشا اهداف رغم عدد الفرص ، و مع وجود القائد معز في الكاج معانا ربي و برّا

كرة شمال افريقيا هربت برشا برشا على الكرة في بقية القارة ... الرجاء تحسنت وي اما ماهياش حاجه من ورا العقل بالنسبة لسمبا ، فما كان هوني في الفوروم ديما حاسبينها جمعية غولة من غير مانتفرجو فيها خاطر شاددها واحد عندو برشا برشا فلوس و هي عمناول ماتعداتش للمجموعات أصلا راهو

باشا ، عمناول ملعب بن قردان ماهوش مؤهل لبلاي أوف والفار ، والسنا بقدرة قادر ولّا مؤهل ياخي تبدلت حاجة في الستاد ؟

الافريقي كي كانت في أزمة نتايج ، لا تسمعهم ولا تشوف منهم حد .... ربحو ماتشوات حلّوق منّا و هوما تنطرو منّا ورجعو يحكيو و يمدو في وجوهم هذا الزمرلي ، آخر مرة قالك جمهور الافريقي باش يفيق الي هذي احسن هيئة في العشرة السنين الاخرى

هذا هو .. المكشر يستقيل .... في المقابل فوزي العجال في أزمة نتائج و ثقة في الجزاير و خروجو مالمولدية قريب جدا على ذكر العجال ، في المقابلة الاخيرة مالعبش الخارس الأساسي خاطر مشكلة متاع انضباط بعد طلع الحارس مشا يصلي في الجمعة في الجامع وقت الي العجال حكم على الملاعبية يصليو ظهر في النزل

بن يحي يخرج هكه يا بنزرتية يا سردينة يا شعر المردومة ؟ من وقتاش وليتو عباد ولا من وقتاش ماكمش تلعبو على الطيوح يا هموم

مستحيل صفاقس الماتش الي فات خذات بينالتي تضحك ... اليوم بينالتي في الدقيقة التسعين ... الماتش الجاي ضد الشابة أحباب مولى الكورة عاده

هو بصراحة بونتو الافريقي اليوم فضيحة تحكيمية اكثر مالبونتو الي نحاه لسليمان الكورة ضربة مخالفة ، و آدم قرب واقف في تسلل واضح .... يعني لقطة ساهلة كيما هذي و مورة واقفة و المراقب يعميه ربي و مايشوفهاش ،و بعد يخرج الرقاصة متاعهم ينظّر علينا كان خذاو حقهم و يتضومر قالك كي يغلطولنا مرييييرة

بنزرت تربح في سوسة .. البقلاوة تربح تطاوين ... الشابة تربح في صفاقس .... و مهما كانت نتيجتنا ، في رادس ... صفاقس تكمل الثامنة في الترتيب و اطيح مباشرة للرابطة الثانية

أنا في حياتي الخاصة و الشخصية و مهما صارلي و يصيرلي ، نلوم كان على روحيو لا نحمل المسؤولية لحتى طرف آخر و حتى كان طيحلي قدري ، نقول انا وصلت روحي ولا حكيت و صوحبت الشخص الغالط اليوم في عالم الميديا ، في العالم الكل أما بصورة خاصة جدا في بلاد كيما بلادنا ولا فيها واحد في بلاصطو و وين يلزمو يكون ، عادي جدا أنو الاذاعات و التلافز مايقولوش الصحيح و مايوجهوكش للحق أما يبيعو كان الكلام الي يجيب أكثر سوم ويعمل أكثر حس عادي جدا تلقا واخد فارغ كيما الزمرلي يدور من اذاعة لاذاعة يكذب ... عادي تلقا تلفزة متاع ولد جنيح ادافع بقلب و رب على جنيح البو و ولدو لاخر .... البارح مراسل القناة من سوسة يحكي عشرة دقايق من غير مايقص عليه حد و زيد داخل في الترجي و تقول كلب من كلاب الي مايحبوناش نشدوهم على الحمرا أنا نلوم و كان لزم باش نولي نسب ، رياض و حمدي ، الي لايزي عمرهم ولت خرجو تكلمو و دافعو على اسم الترجي ، اما تلقاهم ديما يساندو في التاسعة و اول قناة نمشيولها بعد لقب هي ديما التاسعة جمهور الترجي في عوض نسبو في السواحلية و الاعلاميين الي يدافعو على جمعيتهم ، لازم ندزو الي يمثلو الترجي باش يدافعو على الفريق موش قالونا معادش باش نسكتو ؟ ياخي هاو حتى معلول سكتوه و كي نقول واحد يخرج يتكلم على الترجي ، لازم واحد عندو مسؤولية في النادي حاليا او سابقا موش واحد طحان و موش راجل كيما البارودي ولا ولد السبسي

قالك كان رونالدو ماصححش في النصر رانا فكيناه هههه و هوما خذاو زوز من باجة ديجا موش الي يمركي ، خذاو واحد مالمهدية ، واخد صغير مالهمهاما و معاه دمبيلي كيما يقول خالد حسني ، زوز افارقة صغارة بيفو و مهاجم ، و رجعو نور الزمان الزموري ( ان شاء الله كتبت اسمو بالصحيح ) و رجعو الطرابلسي البيفو متاعهم الاسمر

عملو العار الزوز و برشا حس و تفشليم باجات الصفق ، يشكرو في الناس الكل حتى مالوالي الي تنحا عندو اياما ، عملو 18 انتداب بين اواسط امال و اكابر ممكن ياسر وجه الفريق باش يتبدل اما موش باش يوليو البيارن النشم ، نحس انتداباتهم خير برشا ... على الاقل تحسها موجهة حسب نقاط ضعفهم الي شافوها ... جابو مدافع اكسبال جابو ظهير ايسر و جابو بيفو مالي و الجلاصي في الوسط و دعمو هجومهم في البلاي اوف ، باش نلقاو منافسة مالنجم و ممكن مستير .... صفاقس حدها توقف واحد مالمنافسين على اللقب كي يجيها لصفاقس نحنا خسارة ، بالنسبة ليا شخصيا والله كانت مرهونة في انتداب هجومي بركه و حظوظنا في الشمبيونس اصلا تكبر ان شاء الله مانندموش

نقرا في برشا أسامي منا و منا و معادش فاهم ولا عارف كل فريق شنوة شرا و قداش شرا و شكون شرا .... و بقطع النظر شنوة اضافة هالانتدابات منا و منا و شنوة باش يكون مردودهم و سرعة اندماجهم .... أما الأكيد و المؤكد انو في البلاي أوف باش تلقا نجم مختلفة تماما ، باش تلقا صفاقس في ثوب و حلّة جديدة ، باش تلقا مستير زاده .... و هو في الاصل الفرق الكل الا نحنا ، حبّو على نظام البلاي اوف باش يحسنو من مستواهم قبل اابلاي اوف خاطر تقريبا كلهم كانو في الصيف ممنوعين مالانتدابات ان شاء الله نكونو حاضرين ، ان شاء الله ربي يبعد علينا الاصابات مع هالنسق المهبول و الترانات ... وان شاء الله مانندموش الي مرينا مرور الكرام على المركاتو الشتوي

هاو رجعنا المعز و رجعنا العرفاوي و المشموم و الجو باهي في البارك و الفوروم و الباجات الكل

خويا سليمان الباهي ، ماتحصرش الحكاية في انتداب النجم للشماخي ... ماهو الا مثال بسيط ، اما خلينا نحكيو في المطلق الترجي اليوم باهية و تقنع ؟ لا الترجي اليوم لازمها انتدابات ؟ نعم وي الترجي اليوم فيها نقائص في بعض المراكز ؟ نعم وي منافسي الترجي اليوم الكل محليا و خلصة اقليميا ( المريخ الزمالك بلوزداد ) قامو بانتدابات و يحسنو في مجموعتهم فنيا .... نحنا في المقابل صفر تعزيزات و صفر تحسينات و بالتالي نفس المجموعة الي خسرت في النيفر و ماربحتش صفاقس لا ذهاب ولا اياب و زيد لتوال هاربة عليها باربعة نقاط الحاصيلو يا صديقي نحنا نحكيو و نهرو برا .... الرئيس و ادارتو في الاخير يعملو الي يحبو عليه هوما وتاو نعرضولهم في الدورة محسوب

بالدليل طلعو فما برشا مغالطات ، الي خرجو من الزقافنة متاع حمدي المدب السنين الاخرى الكل تحكي على جوار ، يقلك كلمناه و عطبناه عرض اما لظروف عائلية ماينجمش يرجع لتونس من قطر .... بعد جمعة يصحح في لتوال تحكي على روحي اومار ، يقلك كلمناه اما مرتو ماتحبش و ماينجمش يرجع يخدم في تونس بعد الثورة ... جمعة من بعد تلقاه في شورط بدا يراني دبجا في لتوال تحكي على جوار ، يقلك يحب مليار و و و و بعد تلقاه مصحح في جمعية ماعندهمش حق الكور و الماء تحكي على مدافع ، يقلك غالي و طلب برشا فلوس و مابحبش يرجع لتونس .... كيف كيف بعد نهار تلقاه في بوجعفر و حتى في ولادنا ... الطالبي و بوه طماعة و جواعة و رياض هو الصحيح .... غيلان و بوه جواعة و رياض هو الصحيح ..... وبرا هكاكه

شخصيا و هذا رأيي انا ، نحبذ و نختار نربحو في سوسة ان شاء الله بإقناع و موش مشكل كان تعدينا للبلاي اوف الثانين بعدهم ، على أنا نخسرو في سوسة و نتعداو بعد الاولانين انا نشوف كان تربحهم في سوسة ، معنويا و كرويا تساعدنا برشا برشا في البلاي اوف من بعد

عمناول الميلان عملت موسم باهي ، اما الانتر هو الي هدالو اللقب في آخر الموسم ... السكوديتو كان متاع الانتر اما هوما رفضوه و قدموه في طبق من ذهب للجار في آخر الامتار الموسم عذا و على عكس عمناول مافما ختى انتداب تقريبا نجح و فوق من هذا تعقدت الخالة بكثرة الاصابات و خروج كيسي في الوسط و خاصة خاصة لصابة الحارس الاساسي الي اضافتو كبيرة برشا في انتصارات الميلان من عمناول

انا الغلطة متاع بونتو سليمان نشوفها عادية جدا مع الزناطير و مع الجامعة بقيادة وديع .... الي يهبلني و يخرجني من سينتي هو ردة الفعل ، ردة الفعل متاع الاعلام متاع الي زعمة زعمة محللين و ردة فعل الجامعة ولا الرابطة في ماتشوات الترجي ، توش غالط ، ولا بينالتي فيها وعليها ولا بونتو فيه الشك .... ديجا ديراكت يتنحى الشك و تتنحى العوامل الكل ويتنحى استحقاق الترجي ، وبالوقت الاذاعات و التلافز الكل يحلوها مندبة و الحكم يتجمد وهو مازال في الفستيار و وصل مرة عواز الطرابلسي يطلب في السماح في الاحد الرياضي على اساس الزناكير تضلمو في دربي كي الحكم يغلط في مصلحة الزناطير ، هذا الكل ماتشوفوش و ماتسمعوش و يولي الخكم بشر و موش معصوم مالغلط ، و تولي اي حكاية جانبية اهم مالموضوع هذا ولا يتعاقب حكم لا سيدي زكري

هاو المحامي متاع الشابة في قهوة الصحبي بكار جبد على جمهورنا في ماتش لتوال كيفاش فما بوليسية تضربو و عرف وحدات التدخل السبتي زاده تضرب و الترجي ماتعاقبتش و متاع الرابطة قاللهم الي الاحداث صارت بين الشوطين كورة تونس بين جامعة متاع وديع ، و اعلام كيما الصحبي و مسؤولين كيما متاع الشابة و صفاقس و غيرهم

هذي عقوبات بعد ماتشونا البارح؟ موش كاينها العقوبات زايدة تن مقارنة بتجاوزات جماهير اخرى ؟

شوفولي كالطحان عبد الباقي بن مسعود شنوة باش يقول على معز حسن و خاصة على الغندري

الي ماكانش يتفرج من غير مايبدا يتفرج توا انا واحد مالناس ، حليت منا و نلقا السبد يجري وحدو تيران كامل وحط الثالث ، و هاني بدلت القناة مانفسدوش العشوية

الله يسامحك يا محمد على هالفيديو ... ماو قول فيه كلام خايب خوك مستحيل نحل فيديو في العادة ، اليوم مانعرفش كيفاش حليت والدار معبية .... الحاصيلو مانطولش عليك ، تاو كي نقرب نكلمك ترميلي جراية و كوات

كالعام كي طيحو اليوفي للقسم الثاني ، وقتها عندها الفلوس و عندها الجورات و في عام رجعت و احتلت ايطاليا من بعد المرة هذي موش كيفكيف ، كان ماربحتش الاستيناف ممكن ياس تتعاقب زادة ثلاثة سنين ماتلعبش مسابقات اوروبية .... هيا اليوم معندهاش الفلوس و ماعندهاش الملاعبية يعني كان تتعاقب اوروبيا خاصة ، صعيب تلقا كيفاش تقنع ملاعبية بمشروع رياضي اليوفي زايد لازمها ملّاك جدد عندهم برشا فلوس و يحبو يصرفو