EST-1919
-
Compteur de contenus
2 032 -
Inscrit(e) le
-
Dernière visite
-
Days Won
3
Type de contenu
Profils
Forums
Events
Messages posté(e)s par EST-1919
-
-
توة هو مصر على اللعب بزعبية في بوست لتوة لا فهمتوا (دوزيام اتاكون و الا روجيسار خاصة كي تشوف بقير يطيح على الاجنحة) و تشوف فيه ماهوش مرتاح فيه علاش ما يحاولش يعكس البوست بين زعبية و الخنيسي و يحطو راس حربة كلاسيك و الخنيسي دوزيان معاه خاصة انو فنيا الخنيسي افضل واسرع من زعبية و يتحرك برشا عكش زعبية الي بالرسمي تحس امكنياتو الفنية و البدنية متاع مهاجم صريح .. علاش الاصرار على نفس البوست و من مبعد نقولو صفقة فاشلة و ما قدمش الاضافة و هو يلعب في مركز موش مرتاح فيه
-
4
-
-
" الغريب انو في الندوة الصحفية قال و بكل ثقة في النفس " باش نلعبوا لتاكيد نتائجنا و مردودنا الجيد
-
Très bonne action mais dommage que badri ma5latch 3al koura, devant un tel bloc la solution est la rapidité dans les dernières 30 mètres.
و هاذي اكبر نقطة ضعف نعانوا فيها مع السويح .. الغياب التام لتغيير النسق في مناطق الخصم .. الكورة ملي تبدى من عند الشامو و المشاني و بالقروي لين تخلط للخنيسي و هي في نفس الريتم و بالطريقة هاذي الاكيد باش تقعد تعاني ماتش كامل
-
3
-
-
-
-
مانيش باش ندافع على نبيل معلول اما موش منطق نحملوه مسؤولية خسارة ماتش الحاويين و هو ما عندوش حتى عشرة ايام ملي شد الترجي و لعب ماتش سوسة بمحمد علي بن حمودة راس حربة بسبب غياب مايكل انرامو الي من نيجيريا سافر ديراكت لتركيا و غياب سيء الذكر صابر خليقة الي مشى لفرنسا صحح عقد مبدئي مع ايفيان
النتيجة انو الكل شفنا ترجي اخر بعد تراف متاع ثلاثة شهور خاطرو استغلها و خدم و انتدب جوارات باهيين و حضر جمعية ترعب .. شفنا قوة تكتيكية و فنية و شخنا كورة
بالنسبة للسويح يا سيدي ما ناش باش نحاسبوه على عمناول خاطر شد الجمعية بعد التحضيرات و امورها مضعضعة .. لكن حتى بعد تراف طويلة و انتدابات كبيرة برشا ما تغير شيء و بقت نفس الحالة من غياب الاقناع و غياب فكر واضح و غياب بصمة المدرب و شفنا محدودية فنية و تكتيكية بالاعتماد على خطة يتيمة و شفنا سوء تصرف كبييييييير في الافكتيف و في المقابلات و عجر على الرفع من متسوى الفريق و عجر على ايجاد التركيبة المناسبة و عجر على ايجاد الحلول و المدة هاذي الكل و هو يجرب و تفلسيف موش مفهوم
توة المنتقدين للسويح و الي يطالبوا بالاستغناء عليه عطوا الاسباب و البراهين .. لكن المدافعين عليه ما قدموا حتى سبب للابقاء عليه .. يا تجبدولنا ارقام بالمقارنة مع معلول و البنزرتي ويا تعددوا اخطاء المدربين السابقين كبرهان و في المقابلات ترموا اللوم للجوارات و الرصيد البشري موش هو و ندري شنية
لذى سؤال نحب المدافعين على عمار السويح يجاوبوا عليه
??? اعطونا ايجابيات السويح من الناحية الفنية و التكتيكية و اعطونا اشنوة الاضافة الي يقدم فيها للترجي لدرجة المطالبة بالابقاء عليه
بربي ما تجاوبوناش بالارقام و الا بنقد مدربين سابقين كعدر للابقاء عليه
-
9
-
-
7otou tfarjou fi Sundowns hay tal3ab tawa fel coupe du monde
choufou chma3neha equipe tkawer mli7 contre équipe japonaise kifkif we9fa belgdé mouch tadwir koura bel 3ordh contre lmarsa
للاسف هاذا الي برشا مدافعين على عمار السويح ماهمش حابين يقتنعوا بيه
الترجي اكبر جمعية في تونس ومن تقاليدها الي ما لازمش تحيد عليها هي الالقاب و الربح و اللعب الفرجوي و الممتع و المقنع .. هوما كي يقارنوا ترجي السويح بترجي دي كاستال و ترجي دي صابر و ترجي الكنزاري و ترجي انيقو و ترجي معلول (النسخة الثانية) و ترجي بن يحي يولي عندهم الحق يدافعوا على السويح لانو ترجي السويح خير من ترجي الي ذكرتهم الكل .. لكن جمهور الترجي ما يغرزش للفترة متاع هاذم و يقول الترجي الحالي افضل .. لا .. الجمهور كي يغزر يغزر للتقاليد الي تبنت عليها الترجي من 1919 و الي من ضمنها اللعب الهجومي الفرجوي و الممتع
لذى من حقنا كي نشوفوا الترسانة متاع الجوارات الي عندنا نطالبوا بالترجي الحقيقية الي تسيطر ماتش كامل و تمتعك ماتش كامل و تشيخك ماتش كامل و الجمعية لخرى تاكل 5 و تروح فرحانة .. و هاذا موش موجود مع السويح الي ما شفنا معاه شيء (لا لعب مقنع و لا تكتيك مناسب و لا فرجة و لا حجم لعب كيما يكعرر هو ) .. الله غالب السويح اظهر انو مدرب محدود فنيا و تكتيكيا و فكريا و ما عندوش القدرة على الوصول بالترجي للمستوى الي نحبوا عليه
و لحكاية موش حكاية ناقصين جوارات كيما المساكني و البلايلي و الدراجي .. المشكلة انو ثمة خلل فني و تكتيكي كبييييير كبل امكانيات الجوارات و ما خلاناش نشوفوا مستواهم الحقيقي بسبب سوء توظيف امكنياتهم الفنية في التشكيلة و في المراكز زادة
كي تقارن الجوارات الي عند البي.س.جي بالجوارات الي عند موناكو تحشم باش تقارنهم .. لكن كي تشوف البي س جي كيفاش تكور و غياب للاقناع على اغلب مقابلاتها و تشوف موناكو الي صدمت اوروبا كاملة بالكورة الي تقدم فيها تولي تفهم قيمة اللمسة الفنية و التكتيكية للمدرب
-
2
-
-
"لا يلدغ المرؤ من الجحر مرتين "
لكن حمدي المدب بتعنتو و صحة راسو و خاصة بالاصغاء للاراء الخاربة خلاتو مصر على اعادة نفس الاغلاط .. الي قاعدين نشوفوه فيه هو نفسوا صار مع ماهر الكنزاري .. نسخة مطابقة للاصل لنسخة الكنزاري .. لا شفنا كورة معاه و لا شفنا لعب و لا شفنا جمعية واقفة صحيحة و ضيع علينا بطولة و كاس و الجمهور كل يوم يطالب باقالتو خاطرو هاززنا للهاوية و المدب كبش فيه و اصر عليه بتعلة يخدم في خدمة كبيرة و في لخر اش صار ضيع علينا اهم لقب الي هو رابطة الابطال و وقتها بعد ما ضاع كل شيء يتم اقالتو و الغريب انو المدب بعد مدة قصيرة تكلم في الجلسة العامة و اعترف انو ارتكب غلطة كبيرة كي جاب الكنزاري ارتكب غلطة ما اكبر كي رفض اقالتو رغم جاتو عديد الفرص باش يستغني عليه
الاعتراف بالخطء هو الخطوة الاولي للاصلاح .. و المدب اعترف بغلطتو وقتها لكن للاسف ما اتعضش منها وهاو اليوم يعاود في نفس السيناريو مع السويح .. و الغريب انو نفس النسخة الكروية براسك تعاودت بغياب لعب مقنع و فرجوي و غياب تكتيك واضح يلائم الترسانة الي تحت تصرفوا و تفلسيف في كل ماتش و سوء تصرف كبير في الرصيد البشري و سوء تصرف كبير في مجريات المقابلات من قراءة اللعب و التغييرات و انتشار الجوارات و قلة الانضباط الواضحة سير تيران و ضيع علينا بطولة و انسحبنا من كاس الكاف بطريقة مضحكة والحاجة الوحيدة الي تصلح هو الكوب
??? حجم اللعب الي يشوف فيه السويح بالنسبة ليه حجم لعب كبير و ممتاز و جمهور الترجي يشوف فيه حجم لعب متوسط و اقل من المتوسط .. علاش
بالنسبة ليا خاطر السويح ابار لتوال الي دربها 3 مرات و اطول فترة فيهم قعد عام درب فرق صغيرة في تونس و في الخليج الي بالنسبة ليهم اللعب الدفاعي و الخروج باخف الاضرار هو الاساس (لا تكتيك و لا لعب و لا هم يحزنون) و ما دربش فرق كبيرة الي من تقاليدها النتائج و الالقاب و اللعب الممتع .. لذى المستوى الي احنا كجمهور مقتنعين انو موش متاع جمعيتنا الي نعرفوها و تربينا على حبها , بالنسبة ليه المستوى هاذا مستوى كبيرو ممتع .. لذى ما نجمش نلوموا كي كل مرة يحكي على حجم اللعب خاطر ما يعرفش الترجي شنوة تقاليدها الي تبنت عليه و ترسخت فيها
-
3
-
-
انا نقول ما ضيعنا شيء..عنا فترة راحة 40 يوم مع كاس افريقيا..الفائدة في أخذ القرارات الصائبة.
لا خويا الغالي اهم فرصة لوضع الفريق على السكة الصحيحة ضيعناها .. خاطر لقينا الفرصة باش الجوارات
تاخذ الراحة الكاملة .. و عندنا اكثر من شهرين تحضيرات بدنية في مرحلة اولى و تكتيكية و فنية في مرحلة
ثانية .. و اهم حاجة انو الايفكتيف الكل تحت تصرف المدرب
لكن توة على الاقل ثمة ما بين 6-7 جوارات ماهمش باش يرتاحوا جملة بسبب الكوب دافريك و ال40 يوم
الي قلت عليهم ينجموا يولوا 3 اسابيع فقط اذا منتخبنا المضحك يروح من الدور الاول (و هاذا المنتظر في
( المجموعة الي جينا فيها
-
2
-
2
-
-
للاسف ثمة حاجة كنا مرعوبين لا تولي حقيقة و هاي ولت حقيقة مرة برشا برشا برشا زادة
" ضيعنا اهم و اغلى فرصة كنا ننتظروا فيها من سنين الي هي التحضيرات الصيفية"
-
4
-
2
-
-
franchemenet a part Ammar 404 n'est pas a notre hauteur, mais je viens de constater qu'on a le plus cher effectif et non pas le plus fort .Ou peut etre le plus fort en tunisie mais pas celui qui nous rapportera la CL
لا يا خويا ياسين انا مانيش معاك جملة فلي قلتو
عندنا اقوى ايفكتيف و اثرى ايفكتيف لكن ما اهم من قوة و ثراء الرصيد البشري هو حسن التصرف
و السويح ملي شد الترجي اظهر انو عندو سوء تصريف كبييييير في الايفكتيف
و بربي حكاية ما تهز رابطة الابطال كان تكون اقوى واحد هاذي نظرية غالطة .. خاطر ثمة جمعيات وصلت فينال
و جمعيات هزت رابطة الابطال بايفكتيف متوسط لكن بوجود مدربين ممتازين فنيا و تكتيكيا و عندهم حسن التصرف في
الرصيد البشري و حسن التصرف في المقابلات و يلعبوا كورة ساهلة من غير تفلسيف التوانسة و من غير خوف عملوا
نتائج و وصلوا لليفينال و هزوا اللقب
-
6
-
1
-
-
وزارة الداخلية
الجامعة
الادارة
و عمار السويح
=
برشا علينا بصراحة برشا .. الله يصبرنا
-
10
-
-
سبحان الله
السويح بفمو مستعرف انو المردود موش مقنع و الجوارات اكدوا هاذا و رغم ذلك ثمة شكون يجيك و يقلك تحبوا تربحوا بسكور من الدقيقة الاولى
ما يهمنيش في السكور .. الي يهمنا الاول هو خلق جمعية قوية تقنع و تمتع و تفرج كورة و تخلق برشا فرص في الماتش
و لليوم ما شفنا حتى مردود و ما شفنا حتى كورة تخلينا نتفائلوا انو في البلاي اوف و في البطولة العربية و رابطة الابطال
باش نشوفوا جمعية صحيحة و جاهزة
و على ذكر السكور قداش لينا ما مركيناش 3 و 4 و 5 في البطولة
كل ماتش شدان الكورة و لعب عقيم و بطء في تدوير الكورة و اخلق 2-3 فرص حط منهم زوز في الشبكة و عدي
-
3
-
3
-
-
ما تظلموش السويح خاطيه .. ارقاموا تتكلم عليه .. المردود الي نشوفوا فيه بسبب الجوارات الي مستسهلة الماتش (كيما ماتش باجة) و تلعب من غير
حماس و جدية-
4
-
3
-
-
جائزة نوبل للفلسفة و التفلسيف نورمالمون كل عام ياخذها مدرب تونسي .. المدرسة الشبه تدريبية التونسية هي مدرسة التفلسيف و صحة الراس بامتياز
لعب سلبي الي ابعد الحدود .. و بطء كبيييييير في تدوير الكورة و لعب عرضي من غير ادنى خطورة و نسق يجيب النوم
هاذا الي نشوفوا فيه من عام و نصف و يجيك شكون يقول الارقام و الارقام .. دز تخطف و بمجهود فردي نربحوا و مبعد يقلك
السويح افضل من معلول و البنزرتي بالارقام و هو حتى 1/8 اللعب و الفرجة الي شفناها مع معلول و مع البنزرتي ما شفناهاش مع شبه المدرب
الي النهارو طولوا و هو يحكي على تطوير المردود و احنا النهار و طولوا نشوفوا في نفس التعاسة
-
2
-
-
Cl et 3ammar ?? Phase des groupes et 3ammar? Des retours en afrique et 3ammar? Des matchs a rades ou il faudra des fous marquer sans encaisser et 3ammar? Une 1/2 finale et 3ammar? ... je m arrete la . Franchement rouma enti bidek au fond de toi meme je suis sure que tu n y crois pas a une cl avec 3amar. Enti tu fais entiere confiance au chequier de hamdi en decembre haw ess7i7 . Or l episode kanzari avec l armada de star elli jebhomlou et ou tu pensais que meme mametek pouvait gagner la cl n est pas tres loin ..
Quelque soit le nom des joueurs on n ira nulle part avec un coach limité et depassé par les evennements comme 3amar . Meme le championnat est loin d etre assuré avec la formule actuelle.
ينصر دينك يا استاز موهااااااا-
1
-
1
-
-
نسخة مطابقة للاصل لترجي ديكستال .. مستوى حموم و الربح من غير حتى غرام لعب و الا اقناع .. على الاقل مع ديكستال الجنعيات كيما باجة و غيرها كان تاكل بال6 و ال7
-
استغفر الله العظيم
مكتوب علينا كل ماتش نعانوا فيه حتى ضد الجمعيات الضعيفة .. كان جت الترجي الي كنا
ننتظروا فيها بعد الانتدابات الي صارت راهي باجة على الاقل ماكلة 5
الله غالب عندنا شبه مدرب عاجز في كل شيء فنيا و تكتيكيا و حتى فكريا انو يرفع من مستوى الفريق
لذى مكتوب علينا الربح بشق الانفس رغم الترسانة متاع الجوارات الي عندنا
كي تكلمنا و نطقنا و قلنا راهو السبب فني بحت .. راهو مستوى الجوارات الحالي ماهوش
مستواهم و ثمة حواجز فنية هي السبب في عدم تقديم مستوياتهم الحقيقية .. المدافعين على
شبه المدرب قالك موش صحيح و الترجي وين كانت و وين اصبحت و السويح يخدم في خدمة
كبيرة و 3-4 شهور تشوفوا مستوى الترجي الحقيقي و السويح خاطيه و وصلوا قالوا الايفكتيف
ناقص و لازم انتدابات اخرى باش نشوفوا المستوى المهول للمدرب الكبير برشا الي عندنا
عملنا ماتش مهزلة في اول جولة ضد الملعب القابسي في رادس قالولنا نشوة الحصول على الكوب و
توة كي تفوت النشوة نشوفوا الترجي الحقيقية .. هانا داخلين في الشهر الرابع و الا الخامس بعد ما هزينا
الكوب و المستوى يضحك و ضعيف و كان موش من فرديات الجوارات الي قاعدين نقلعوا بيها في الاطراح
رانا في مرتبة سادسة و الا سابعة
-
1
-
2
-
-
je suis en Tunisie w lien yrakkeb esokr w ytal3 edam
-
2
-
-
el wa7ed bech yetjlat men hal 7ala
-
3
-
-
gooooooooooooooooooooooooooooooolllllllllllllllll
-
malla streaming w malla 7ala 7lila,pffff,chnowa hadha,chnowa el 7ala hadhi
yemchi 5 seconde w y9os,yemchi 4 seconde w y9os
pfffffffffffffffffffffffffffffffff
-
الجامعة تاخذ 5000 تذكرة و المنزه عادي يقدر يستوعب العدد هاذا .. و الترجي 5400 بلاصة موش
ممكن لاسباب امنية و لسلامة الجماهير
سبحان الله في ها لبلاد .. لا يزي وزارة الداخلية تسير في ستادات تونس و تتحكم كيما تحب
و تشتهي في دخول الملاعب بلوبانة اسباب امنية و اك الديسك
البايت .. و لا يزي ستادات تعيف لا مدارج تصلح و لا قازون يصلح .. ولا يزي بطولة وطنية
يحبوا يسوقولها صورة باهية تغري القنوات الاجنبية لشراء حقوق البث و الصورة
الباهية هاذي يسوقوا فيها بفضيحة البث عن طريق الانترنات و من فوق بتقنية
مهزلة (يدخلوا 2000 شخص لليان باش يتفرجوا يتبلوكا جملة) .. و لا يزي انواع متاع مسؤولين كان الفضايح و قلة التربية
و الهمجية و تصريحات الكراهية الي يصرحوا فيها .. و لا يزي تحكيم مهزلة .. و لا يزي انواع متاع جمهور
عيشتهم الهمجية و العنف .. زيد من فوق عندنا ادارة تمشي بسياسة الفم الساكت
و تحبوا العباد تبقى اتبع في كورة تونس و تمشي للخرب الي عندنا
-
7
-
-
Ça c'est le type de but et d actions que on verra dorénavant chez nous. Je préfère un but comme cela que quarante action sur satah satah et tu prends la 2me balle comme on le faisait pendant 3 ans. On est en train de construire une grande équipe .3-4 mois en sera au top inchallah
ان شاء الله تكون مع مدرب جديد في المدة هاذي مع بعض الانتدابات تولي الترجي في التوب .. مع السويح مستحيل خاطر الي ما عملوش في عام و نصف باش يعملوا في 3-4 شهور تولي حكاية مستحيلة في ظل المحدودية الفنية و التكتيكية و الفكرية الي شفناها عندو
Lawled
Iheb mbarki a renouvelé son contrat?
نعم خويا الغالي جدد عقدولمدة 3 سنين
-
7
-
1
-
[Ligue1 - 11J] CSHL 1 - 1 EST
dans Saisons passées
Posté(e)
بربي جاوبوني و بردولي على قلبي .. شنوة الي يصلح فيه في التمارين نحب نفهم
فرديا نفس المستوى و بالعكس كل اسبوع المستوى الفردي للجوات في نزول تام
جماعيا ما ثمة حتى ادنى تحسن بالعكس الغثاثة كل اسبوع تزيد تكبر
وينو الاصلاح الي في كل تصريح يسمعولنا